01 November 2010

दिदी

. 01 November 2010

निरास छु क्षितिजपारि टिका थाप्न आइन दिदी
सयपत्री मखमली गलामा राख्न पाइन दिदी


खुम्चिएर विवशतामा सम्झेँ अतित फेरी आज
सप्तरंगी टिका लिई तिम्लाई भेटन धाइन दिदी


उजाड यो बस्तीबाट नियाल्दै छु तिम्रो तस्विर
पोरको झैँ देउसी भैलो कसै सँग गाइन दिदी


विश्वासमा बचिराछु अर्को साल आउछु की त
तिम्रो आस्था बाचेकै छ जुवा तासमा लाइन दिदी


उमङ्ग र हासो संगै बितोस तिम्रो दीपावली
झुटो भयो बाचा मेरो तिम्रो मनमा छाइन दिदी



यो सरल गजल संगै नजिकै आइरहेको शुभ दीपावलीको उपलक्ष्यमा सम्पूर्ण ब्लगर मित्रहरु लगायत सबै नेपालीहरुमा हार्दिक मंगलमय शुभकामना ब्यक्त गर्दछु । शुभ दीपावली !!!!!

3 प्रतिक्रिया:

Dilip Acharya said...

तिहार जनिकीदैँ जाँदा साह्रै मन छुने गजल लेख्नु भएछ । गजलका संरचनाका बारेमा आफैँ जानकार नरहेकोले केही बोल्दीन तर भावको लागि भने मेरो १०० !!!

वेदनाथ पुलामी (उमेश ) said...

सुर्य जी दिपावलीको हार्दिक मंगलमय शुभ कामना !
मिठो गजल , परदेशी सबैको व्यथा पोख्न सफल हुनु भएको छ ! राम्रो लाग्यो ! धन्यबाद !!

Unknown said...

भाई गजल सारै राम्रो छ के गर्ने भाई परदेश को जिन्दगि
येस्तै हो सम्झना गर्दै बस्नु पर्छ खोइ भाई आर्को साल आउछु दिदि भने पनि के हुन्छ कुन्नि समय ले साथ दिन्छ कि नै भगवान ले आर्को साल आबस्ये नै टिका मा घर पुर्यौनी छन्
येही आस मा नै बस्नु पर्यो भाई
छबिलाल न्यापाने
अर्बेनी गुल्मी
साउदी अरेवीया

Post a Comment